雪山工作就過左一半
想當初黎雪山 第一為左滑雪 第二為左儲錢
滑雪進行得好好 但儲錢...
話說七月頭到仲好努力每日計住返幾多個鐘
會有幾錢 諗住出糧儲幾多 淨係用幾多等等
仲做多份洗碗part time 進行得都係好好既時候
有位差唔多level既朋友竟然話要買新板
仲要比我見識到新板既威力
生平最容易受人影響既我心郁郁 心郁郁
睇下睇下
就買左新板
咁snowboard 淨係得板又唔夠
要買埋連接boot既binding 咼
咁既然都買 就應該要買一個最靚最中意架啦
咁結果呢
洗下洗下 買下買下 用下用下
錢呢 就決定唔儲喇
真係深深明白到計劃趕唔上變化既道理
不過呢
雖然唔敢同人講究竟用左幾多錢
我都唔敢諗匯返港幣係幾多
但係好值得既對我來說
因為如果我依生得一季係雪山生活 而我就咩都就住就住
咁就唔得完美啦 唔想自己會後悔
所以我決定要盡興埋依兩個月
而買snowboard 呢
就好似玩online game 買新裝備咁
Level 高左緊係要買返高level 既板啦哈哈哈哈
我會努力滑 短期目標係butter 180combo
長期係跳坡抓板 yeah
夠膽黎挑我機 我快速up lv中
Happy 73：D
